Bharat 4G Phone: વિશ્વનો સૌથી સસ્તો 4G ફોન, માત્ર રૂ.999માં ફોન સાથે બધુ જ અનલિમિટેડ...

Reliance Jio એ ભારતમાં સૌથી સસ્તો 4G ફોન Jio Bharat V2 લોન્ચ કરીને બજારમાં ધુમ મચાવી દીધી છે. અહીં મહત્વનું છે કે, Jio Bharat V2 ની કિંમત માત્ર 999 રૂપિયા છે. કંપનીનો દાવો છે કે, જિયો ભારત વી2ના દમ પર કંપની 10 કરોડથી વધારે ગ્રાહકોને જોડશે. 999 રૂપિયાના આ ફોનનો મંથલી પ્લાન પણ ખુબ જ સસ્તો છે. ગ્રાહકોને 28 દિવસની વેલિડિટી ધરાવતા પ્લાન માટે માત્ર 123 રૂપિયા ચુકવવા પડશે.

આ પ્લાનમાં ગ્રાહકોને કુલ 14 જીડી ડેટા અને અનલિમિટેડ વોઇસ કોલ મળશે. તેના વાર્ષિક પ્લાનની કિંમત 1234 રૂપિયા છે. કંપનીનું કહેવું છે કે, 25 કરોડ 2જી ગ્રાહકોને 4જીમાં લાવવા માટે જિયો ભારત પ્લેટફોર્મ પણ લોન્ચ કર્યું છે. આ પ્લેટફોર્મનો ઉપયોગ બીજી કંપનીઓ પણ 4 જી ફોન બનાવવા માટે કરી શકશે. કાર્બને તેનો ઉપયોગ શરૂ કરી દીધો છે. નિષ્ણાંતો આશા વ્યક્ત કરી રહ્યા છે કે, 2જી ફિચર ફોનની જગ્યા જલદી 4જી ભારત સીરીઝના મોબાઇલ લેશે. અત્રે ઉલ્લેખનીય છે કે, કંપની 2018 માં પણ જિયોફોન લઇને આવી હતી. જેને 13 કરોડથી વધારે ગ્રાહકો ઉપયોગ કરી શકે છે.

કંપનીનું કહેવું છે કે, જીયો ભારત V2 4Gનો ફોન છે અને આ સંપુર્ણ રીતે ભારતમાં બનેલો છે. તેનું વજન માત્ર 71 ગ્રામ છે. તેમાં HD વોઇસ કોલિંગ(HD Voice Calling), FM રેડિયો, 128GBનું SD મેમરી કાર્ડ જેવા ફીચર મળે છે. મોબાઇલમાં 4.5 સેમીની ટીએફટી સ્ક્રીન, 0.3 મેગાપિક્સલનો કેમેરો, 1000 mAh ની બેટરી, 3.5 એમએમનો હેડફોન જૈક, પાવરફુલ લાઉડ સ્પીકર અને ટોર્ચ પણ મળે છે.

જિયો ભારત V2(Jio Bharat V2) મોબાઇલના ગ્રાહકોને જિયો સિનેમા(Jio Cinema)ના સબ્સ્ક્રિપ્શન(Subscription)ની સાથે જિયો સાવન(Jio Saavn)ના 8 કરોડ ગીતનું એક્સેસ મળશે. ગ્રાહકો જિયો પે દ્વારા યુપીઆઇ પેમેન્ટ(UPI Payment) પણ કરી શકશે. કંપનીનું કહેવું છે કે, જિયો ભારત V2 22 ભારતીય ભાષાઓમાં કામ કરે છે. એટલે કે ગ્રામ્ય વિસ્તારના લોકો પોતાની સ્થાનિક ભાષામાં પણ આ ફોન એક્સેસ કરી શકશે. વૃદ્ધ અને જે લોકોનેે ઈન્ટરનેટનો ઉપયોગ ઓછો કરે છે તેવા લોકોને વધારે ઈન્ટરનેટ તરફ વાળવા માટે આ ફોન ઉપયોગી નિવડશે. 

(Home Page- gujju news channel)

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel